آتدون منی گوندن , گونه دردیم بتر اولدی
گل بیر گوزه لیم ,گور منه سنسیز نه لر اولدی
حسرت گوزومو یول لارینا زیلله دیم آمما
سن گلمه دین آخیر , گجه گچدی سحر اولدی
نه،گوزلریمین یاشی سنی رحمه گتیردی
نه ناله لریمدن منیم آخیر ثمر اولدی
عالم هامیسی دردیمی دوشدی باشا یارب
بیرجه اوره گیمدن او منیم بی خبر اولدی
بیر گون یولون اول یاره صبا دوشسه سوروش گور
مندن نیه قاچدی نیه مندن کوسر اولدی
یارسیز یاشاماق منجه اولومدن ده چتیندی
یار کی منی آتدی بوتون عمریم هدر اولدی
https://telegram.me/joinchat/DP1XsD6KcO14l86zlRbBgAبزن رو لینک ◕‿◕
